Ալեքսանդր Պլատո Հակոբյանը փիլիսոփա է, հաղորդակցությունների ոլորտի փորձագետ։ Ուսանել է փիլիսոփայություն և հոգեբանություն Երևանի պետական և Պրահայի Կարլի համալսարաններում։ Ներկայումս «Դասավանդի՛ր, Հայաստան» հիմնադրամի Համակարգային նորարարությունների գծով տնօրենն է։ Նախկինում եղել է Բրեվիս ընկերության հաղորդակցությունների ղեկավարը, զբաղեցրել է  Հայաստանի Հանրային հեռուստաընկերության Հանրային և արտաքին կապերի տնօրենի, այնուհետև՝ գլխավոր պրոդյուսերի պաշտոնը։

Ալեքսանդրն ակտիվ գործունեություն է ծավալում գիտության բնագավառում․ Երևանի պետական համալսարանում հեղինակել և վարում է «Կարիերայի հոգեբանություն և մասնագիտական ինքնորոշում» և «Տեղեկատվական ներազդման հոգեբանություն» դասընթացները։ Շուրջ յոթ տարի աշխատել է բանկային ոլորտում՝ որպես Մարքեթինգի և հասարակայնության հետ կապերի բաժնի ղեկավար՝ հանրապետության մասշտաբով իրականացնելով բազմաթիվ նորարարական ծրագրեր։

Երկար տարիներ ներգրավված է երաժշտական մենեջմենթի ասպարեզում, զբաղվել է հասարակական գործունեությամբ, ներգրավվել է Erasmus+ի բարձրագույն կրթության փորձագետների խմբում՝ դասախոսություններ վարելով Տալլինի, Հռոմի Sapienza, Բրյուսելի Vrije, Մադրիդի Complutense և այլ  համալսարաններում։

Որպես հաղորդակցական հմտությունների վարպետ՝ նա հանրության լայն զանգվածների հետ հաղորդակցվում է նաև իր հոդվածների, գրքի («Ամեոբայի շունը», 2016թ․, Անտարես), երգի և հաղորդավարության միջոցով․ պրոֆեսիոնալ երգով Ալեքսանդր Պլատոն զուգահեռ զբաղվում է արդեն մի քանի տարի, ունի թողարկած ձայնասկավառակ (“My Barock” 2018), իսկ միջագզային բեմելը տեղի է ունեցել 2015թ․ Բուլղարիայում՝ Վարնայի “Discovery” միջազգային փառատոնին՝ արժանանալով «Ամենագրավիչ երգիչ» մրցանակին։ Հաղորդավարությամբ և հանդիսավարությամբ հանդես է գալիս ակադեմիական, հեռուստատեսային և ռադիո հարթակներում։ 2023թ. հանդես է եկել նաև որպես TED խոսնակ։