Աուշրա Ռուտկիենեն Լիտվայի Վիտաուտաս Մագնուսի համալսարանի (VMU) Կրթության ակադեմիայի պրոֆեսոր է, համալսարանի Սենատի անդամ, Կրթության կառավարման և քաղաքականության ամբիոնի ղեկավար, ինչպես նաև Լիտվայի հանրակրթության խորհրդի անդամ: Նա զբաղվում է դասավանդմամբ բակալավրիատի, մագիստրատուրայի և ասպիրանտուրայի մակարդակներում, ղեկավարում է «Կրթության կառավարում» մագիստրոսական և «Տարրական կրթություն» բակալավրիատի ծրագրերը, ինչպես նաև իրականացնում է հետազոտություններ կրթության ոլորտում:

Պրոֆեսոր Ռուտկիենեի աշխատանքը կենտրոնացած է կրթական առաջնորդության, ուսուցիչների բարեկեցության և կրթական համակարգային բարեփոխումների, քանակական հետազոտության մեթոդաբանության և տվյալների վերլուծության, ինչպես նաև մաթեմատիկայի դասավանդման վրա:

Նրա հետազոտություններն ուսումնասիրում են՝

• ուսուցիչների դիմակայունությունը, ինքնավարությունը և սթրեսը բարեփոխումների ժամանակ,
• առաջնորդության մոտեցումները կրթության ոլորտում,
• ուսուցիչների վերապատրաստման ինստիտուցիոնալ փոխակերպումը,
• դպրոցական համայնքը և ներառականությունը:

Նա մասնակցել է մի շարք եվրոպական և ազգային ծրագրերի ու նախագծերի (FP6, ERASMUS+, TEMPUS, HORIZON, COST) և հրավիրվել է որպես ՅՈՒՆԵՍԿՕ-ի Միջազգային կրթական բյուրոյի (UNESCO IBE) փորձագետ: Նա մշակում է համալսարանական և պետական մակարդակի փաստաթղթեր, իրականացնում է ուսումնասիրություններ, կազմակերպում միջոցառումներ՝ նախագծերից քաղված փորձի փոխանակման նպատակով, և ապահովում է վերլուծական արդյունքների հասանելիությունը թե՛ ազգային, թե՛ միջազգային հարթակներում: Աուշրա Ռուտկիենեն մի շարք մենագրությունների, հետազոտությունների, դասագրքերի, ինչպես նաև բազմաթիվ տեղական ու միջազգային հրապարակումների համահեղինակ է։